Árni Steinar Jóhannsson (andsvar):
Virðulegi forseti. Auðvitað hef ég skoðanir á því eins og á öllum öðrum málum. Ég var að frábiðja mér að þurfa að vera á verklegum fundi hér. Það hæfir ekki vinnu þingsins og hefur kannski verið til trafala um margra áratuga skeið. Það er skoðun mín eins og glögglega hefur komið fram á undanförnum dögum og vikum. Ég tel að það hafi verið einn af okkar stærstu akkillesarhælum og staðið landinu fyrir þrifum hvað varðar alla stjórnsýslu hve stutt er á milli framkvæmdarvaldsins og þingsins. Þess vegna er varla svaravert hvort maður hafi skoðanir á vegum, auðvitað hef ég þær. En ég teikna ekki brýr.