Árni Johnsen:
Herra forseti. Í bréfi til hv. alþingismanna fyrir nokkrum dögum frá svokölluðum ljóðahóp er vitnað í ljóð Hákons Aðalsteinssonar, ort á Eyjabökkum í haust leið.
Herra forseti. Það gengur ekki að raska tilveru óspilltra fjalla, grundum og hjalla. Hlusta verður á lindir sem kliða biðja sér griða.
Herra forseti. Hjarta mitt slær með landinu sem náttúrubarni. Gagnkvæm virðing verður að ríkja í vinarþeli lands og þjóðar.
Herra forseti. Það gengur ekki að samþykkja Fljótsdalsvirkjun og ýmsa aðra atvinnuskapandi möguleika nema manni þyki enn vænna um fólkið sitt en landið sjálft. Ég segi já.