Frsm. efh.- og viðskn. (Vilhjálmur Egilsson):
Virðulegi forseti. Ég mæli fyrir nál. frá efh.- og viðskn. um frv. til laga um breyting á lögum um ársreikninga.
Nefndin hefur fjallað um málið og sent það til umsagnar og kallað ýmsa aðila á sinn fund sem getið er á þskj. 1219.
Nefndin stendur öll að tillögu til breytingar á frv. sem gengur út á það að eyða tortryggni sem upp gæti komið þegar sannreynt er hvort fyrirtæki uppfylli þær kröfur sem þarf til að mega senda ársreikninga sína inn á samandregnu formi.
Allir nefndarmenn skrifa undir nál. en fyrirvarar eru frá tveim hv. þm., Jóhönnu Sigurðardóttur og Margréti Frímannsdóttur.