Guðjón Guðmundsson (andsvar):
Herra forseti. Ég vann við fyrirtæki sem hafði mikil samskipti við útlönd áður en ég settist á þing. Ég varð ekki var við þetta óhagræði. Ég hef verið að spyrja menn sem eru í þessum fiskbransa í mínu kjördæmi hvort þeir leggi mikið upp úr þessari breytingu á tímanum. Þeir hafa ekkert gert með það. Ég held því að viðskiptin og atvinnulífið gangi alveg eðlilega fyrir sig þó að við höldum okkur við okkar tíma. (Gripið fram í.)