[prenta uppsett í dálka] 102. fundur, 128. lþ.
Sigríður Ingvarsdóttir:
Herra forseti. Eins og við vitum er komið að lokum þessa þings og eigi þetta góða mál að ná fram að ganga þá gefst ekki tími til að vísa því til nefndar. Því legg ég eindregið til að við afgreiðum það núna. Eingöngu er verið að ræða um heimildarákvæði sambærilegt við það sem hæstv. fjmrh. hefur samkvæmt 6. gr. tollalaga. Verið er að veita hæstv. landbrh. þessa heimild svo að hægt sé að vinna hreindýrakjöt frá Grænlandi á Húsavík og ég legg til að við styðjum þetta góða mál.
