Bjarni Benediktsson Fæddur í Reykjavík 26. janúar 1970. Foreldrar: Benedikt Sveinsson (fæddur 31. júlí 1938) hæstaréttarlögmaður, sonarsonur Benedikts Sveinssonar alþingismanns, og Guðríður Jónsdóttir (fædd 19. september 1938) húsmóðir. Maki (22. júlí 1995): Þóra Margrét Baldvinsdóttir (fædd 1. mars 1971). Foreldrar: Baldvin Jónsson og Margrét S. Björnsdóttir. Börn: Margrét (1991), Benedikt (1998), Helga Þóra (2004), Guðríður Lína (2011). Stúdentspróf MR 1989. Lögfræðipróf HÍ 1995. Nám í þýsku og lögfræði í Þýskalandi 1995-1996. LL.M.-gráða (Master of Laws) frá University of Miami School of Law í Bandaríkjunum 1997. Hdl. 1998. Löggiltur verðbréfamiðlari 1998. Fulltrúi hjá sýslumanninum í Keflavík 1995. Lögfræðingur hjá Eimskip 1997-1999. Lögmaður með eigin rekstur á Lex lögmannsstofu 1999-2003. Fjármála- og efnahagsráðherra 23. maí 2013 til 11. janúar 2017. Forsætisráðherra 11. janúar til 30. nóvember 2017. Fjármála- og efnahagsráðherra 30. nóvember 2017 til 27. nóvember 2021 og 28. nóvember 2021 til 14. október 2023. Utanríkisráðherra 14. október 2023 til 9. apríl 2024. Forsætisráðherra síðan 9. apríl 2024. Í stjórn Hugins, félags ungra Sjálfstæðismanna í Garðabæ, 1991-1993, formaður 1993. Framkvæmdastjóri lögfræðiaðstoðar Orators, félags laganema, 1994-1995. Í stjórn Heilsugæslu Garðabæjar 1998-2002. Í skipulagsnefnd Garðabæjar 2002-2010. Varaformaður flugráðs 2003-2007. Formaður knattspyrnudeildar Ungmennafélagsins Stjörnunnar í Garðabæ 2003-2005. Í stjórnarskrárnefnd 2005-2007. Formaður Sjálfstæðisflokksins síðan 2009. Alþingismaður Suðvesturkjördæmis síðan 2003 (Sjálfstæðisflokkur). Fjármála- og efnahagsráðherra 2013-2017. Forsætisráðherra 2017. Fjármála- og efnahagsráðherra 2017-2021 og 2021-2023. Utanríkisráðherra 2023-2024. Forsætisráðherra síðan 2024. Allsherjarnefnd 2003-2007 (formaður), fjárlaganefnd 2003-2007, iðnaðarnefnd 2003-2004 og 2007, sérnefnd um stjórnarskrármál 2003-2006, 2007-2008 og 2009 (fyrri), heilbrigðis- og trygginganefnd 2004-2005, utanríkismálanefnd 2005-2013 (formaður 2007-2009), kjörbréfanefnd 2005-2009, efnahags- og skattanefnd 2007-2009, starfshópur utanríkismálanefndar um Evrópumál 2009-2013. Íslandsdeild VES-þingsins 2003-2005 (formaður), Íslandsdeild þingmannanefndar EFTA 2005-2009, Íslandsdeild Norðurlandaráðs 2009-2012, þingmannanefnd Íslands og ESB 2010-2011, 2012–2013. |