beiðni um umræðu um afnám verðtryggingar.
Forseti. Ég lagði fram í dag ásamt öðrum þingmönnum Pírata frumvarp til laga um breytingu á lögum um þingsköp Alþingis, þar sem segir m.a.:
„Tillögu um vantraust á ríkisstjórn eða ráðherra skal þó setja á dagskrá þingfundar svo fljótt sem auðið er og eigi síðar en tveimur nóttum eftir útbýtingu hennar nema samkomulag um annað sé á milli þingflokka.“
Einnig segir:
„Fjórðungur þingmanna getur farið fram á að atkvæðagreiðsla um tillögu um vantraust á ríkisstjórn eða ráðherra verði leynileg. Við atkvæðagreiðsluna merkir hver þingmaður við „já“ eða „nei“ á atkvæðaseðli eða skilar auðu.“
Leggi menn eigin skilning í það hvers vegna ég vek athygli á þessu frumvarpi.