Virðulegi forseti. Ég þakka hv. 17. þm. Reykv. fyrir þær upplýsingar sem hafa komið fram um það hvað hann man vel barnalærdóminn og þekkir sjálfsagt enn þá bæði í orði og í verki grundvallaratriði hinna díalektísku sjónarmiða þar sem andstæðurnar leikast á, stjórn og stjórnarandstaða, svart og hvítt, nótt og dagur. ( Forseti: Forseta þykir ekki nákvæmlega vera rætt um gæslu þingskapa.) Það getur vel verið að það fari svo einhvern tíma næstu daga, virðulegi forseti, í sambandi við gæslu þingskapa einmitt, að hv. formaður þingflokks Alþfl. komist að því fullkeyptu að þessar andstæður séu glaðvakandi og verði þeim mun betur vakandi sem nær dregur jólum.
Fjárlög 1993
78. fundur
Föstudaginn 11. desember 1992, kl. 02:30:49 (3333)
Svavar Gestsson
(um þingsköp)
: