Hjörleifur Guttormsson (um fundarstjórn):
Virðulegur forseti. Þar sem senn er komið miðnætti þá vildi ég leita upplýsinga hjá hæstv. forseta um hvað sé áformað í sambandi við framhald þessarar umræðu sem hefur staðið hér lengi dags. Ég tel mjög nauðsynlegt að það skýrist fyrir okkur sem erum þátttakendur í umræðunni hvað þar er áformað.
Ég er á mælendaskrá og hef ekki talað áður við þessa umræðu. Mér finnst nú skynsamlegra að taka nýjan dag þó að ég biðjist ekkert undan að tala inn í nóttina út af fyrir sig. En svona almennt séð held ég að við þurfum að sýna þessari umræðu þá virðingu að hún fari fram á eðlilegum starfstíma þingsins.