Aðrar útgáfur af skjalinu: PDF - Word Perfect. Ferill 884. máls.
139. löggjafarþing 2010–2011.
Þskj. 1695 — 884. mál.
um þjóðaratkvæðagreiðslu um stjórn fiskveiða.
Alþingi ályktar að efnt skuli til þjóðaratkvæðagreiðslu um þau frumvörp sem lögð hafa verið fram um breytingar á fiskveiðistjórnarkerfinu. Spurningin sem borin verði undir þjóðina í atkvæðagreiðslunni hljóði svo: „Hvaða fyrirkomulag vilt þú að haft verði við stjórn fiskveiða?“ Möguleg svör verði:
a. Samkvæmt frumvarpi ríkisstjórnarinnar (þskj. 1475, 827. mál, 139. lögþ.).
b. Samkvæmt frumvarpi Hreyfingarinnar (þskj. 1510, 839. mál, 139. lögþ.).
c. Hvorugt framangreindra.
Þingsályktunartillaga þessi er sett fram vegna þeirra frumvarpa sem nýverið hafa verið lögð fyrir Alþingi um breytingar á fiskveiðistjórnarkerfinu og þeirrar stefnu Hreyfingarinnar að öll stærri mál eigi að fara í þjóðaratkvæðagreiðslu en breytingar á fiskveiðistjórnarkerfinu eru eitt af þeim stóru og langvarandi deilumálum sem stjórnmálaflokkar á Alþingi hafa setið uppi með og ekki getað leyst. Tillagan er einnig í beinu framhaldi af umræðu um þessi mál á vettvangi stjórnmálanna þar sem forsætisráðherra hefur ítrekað lýst vilja sínum til þess að breytingar á fiskveiðistjórnarkerfinu eigi að fara í þjóðaratkvæðagreiðslu.
Frumvörpin eru um margt ólík og bjóða því upp á raunverulega valkosti en um það snýst einmitt alvörulýðræði, þ.e. um raunverulega valkosti. Frumvarp ríkisstjórnarinnar er sett fram sem málamiðlun ólíkra sjónarmiða sem fram komu í starfi nefndar sjávarútvegs- og landbúnaðarráðherra sem skilaði skýrslu sinni í september síðastliðnum. Frumvarp Hreyfingarinnar tekur hins vegar mið af almennum sjónarmiðum og leitast við að samræma byggðasjónarmið, réttlætissjónarmið og hagkvæmnissjónarmið með fáum en markvissum tillögum.
Í lögum um þjóðaratkvæðagreiðslur kemur fram að heimilt er að vísa lagafrumvörpum til þjóðaratkvæðis. Tillaga þessi gerir ráð fyrir að frumvörpin fari í hefðbundið umsagnarferli hjá viðkomandi nefnd og að því loknu verði innsendar athugasemdir gerðar opinberar og þá séu málin tilbúin til kynningar fyrir þjóðaratkvæðagreiðslu. Þjóðaratkvæðagreiðslan býður upp á þrjá valkosti, frumvarp ríkisstjórnarinnar, frumvarp Hreyfingarinnar og hvorugt.
139. löggjafarþing 2010–2011.
Þskj. 1695 — 884. mál.
Tillaga til þingsályktunar
um þjóðaratkvæðagreiðslu um stjórn fiskveiða.
Flm.: Þór Saari, Birgitta Jónsdóttir, Margrét Tryggvadóttir.
Alþingi ályktar að efnt skuli til þjóðaratkvæðagreiðslu um þau frumvörp sem lögð hafa verið fram um breytingar á fiskveiðistjórnarkerfinu. Spurningin sem borin verði undir þjóðina í atkvæðagreiðslunni hljóði svo: „Hvaða fyrirkomulag vilt þú að haft verði við stjórn fiskveiða?“ Möguleg svör verði:
a. Samkvæmt frumvarpi ríkisstjórnarinnar (þskj. 1475, 827. mál, 139. lögþ.).
b. Samkvæmt frumvarpi Hreyfingarinnar (þskj. 1510, 839. mál, 139. lögþ.).
c. Hvorugt framangreindra.
Greinargerð.
Þingsályktunartillaga þessi er sett fram vegna þeirra frumvarpa sem nýverið hafa verið lögð fyrir Alþingi um breytingar á fiskveiðistjórnarkerfinu og þeirrar stefnu Hreyfingarinnar að öll stærri mál eigi að fara í þjóðaratkvæðagreiðslu en breytingar á fiskveiðistjórnarkerfinu eru eitt af þeim stóru og langvarandi deilumálum sem stjórnmálaflokkar á Alþingi hafa setið uppi með og ekki getað leyst. Tillagan er einnig í beinu framhaldi af umræðu um þessi mál á vettvangi stjórnmálanna þar sem forsætisráðherra hefur ítrekað lýst vilja sínum til þess að breytingar á fiskveiðistjórnarkerfinu eigi að fara í þjóðaratkvæðagreiðslu.
Frumvörpin eru um margt ólík og bjóða því upp á raunverulega valkosti en um það snýst einmitt alvörulýðræði, þ.e. um raunverulega valkosti. Frumvarp ríkisstjórnarinnar er sett fram sem málamiðlun ólíkra sjónarmiða sem fram komu í starfi nefndar sjávarútvegs- og landbúnaðarráðherra sem skilaði skýrslu sinni í september síðastliðnum. Frumvarp Hreyfingarinnar tekur hins vegar mið af almennum sjónarmiðum og leitast við að samræma byggðasjónarmið, réttlætissjónarmið og hagkvæmnissjónarmið með fáum en markvissum tillögum.
Í lögum um þjóðaratkvæðagreiðslur kemur fram að heimilt er að vísa lagafrumvörpum til þjóðaratkvæðis. Tillaga þessi gerir ráð fyrir að frumvörpin fari í hefðbundið umsagnarferli hjá viðkomandi nefnd og að því loknu verði innsendar athugasemdir gerðar opinberar og þá séu málin tilbúin til kynningar fyrir þjóðaratkvæðagreiðslu. Þjóðaratkvæðagreiðslan býður upp á þrjá valkosti, frumvarp ríkisstjórnarinnar, frumvarp Hreyfingarinnar og hvorugt.
