Ferill 1162. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 2167 — 1162. mál.
Svar
mennta- og barnamálaráðherra við fyrirspurn frá Lilju Rannveigu Sigurgeirsdóttur um alþjóðlega skóla og fjölda barna í þeim.
1. Hvaða alþjóðlegu skólar eða skóladeildir starfa á grunn- og framhaldsskólastigi?
Á grunnskólastigi eru starfandi Alþjóðaskólinn á Íslandi sem hlaut viðurkenningu árið 2013 og alþjóðadeild Landakotsskóla sem tók til starfa 2015.
Á framhaldsskólastigi er IB-nám (e. International Baccalaureate) kennt við Menntaskólann við Hamrahlíð en skólinn hefur frá árinu 1998 verið hluti af alþjóðasamtökum skóla, International Baccalaureate Organisation.
2. Hve mörg börn hafa stundað nám í alþjóðlegum skólum eða skóladeildum síðastliðin tíu ár? Óskað er sundurliðunar eftir hverju ári fyrir sig.
Eftirfarandi tafla sýnir fjölda barna í Alþjóðaskólanum á Íslandi:
Ár | Fjöldi barna |
2013 | 60 |
2014 | 55 |
2015 | 72 |
2016 | 73 |
2017 | 89 |
2018 | 92 |
2019 | 97 |
2020 | 96 |
2021 | 88 |
2022 | 98 |
Eftirfarandi tafla sýnir fjölda barna í alþjóðadeild Landakotsskóla:
Skólaár | Fjöldi barna |
2015–2016 | 35 |
2016–2017 | 45 |
2017–2018 | 69 |
2018–2019 | 69 |
2019–2020 | 80 |
2020–2021 | 101 |
2021–2022 | 104 |
2022–2023 | 96 |
2023–2024 | 88 |
Eftirfarandi tafla sýnir fjölda nemenda í IB-námi Menntaskólans við Hamrahlíð:
Önn | Fjöldi nemenda |
haust 2013 | 77 |
vor 2014 | 72 |
haust 2014 | 73 |
vor 2015 | 67 |
haust 2015 | 76 |
vor 2016 | 72 |
haust 2016 | 72 |
vor 2017 | 66 |
haust 2017 | 78 |
vor 2018 | 78 |
haust 2018 | 82 |
vor 2019 | 76 |
haust 2019 | 84 |
vor 2020 | 76 |
haust 2020 | 76 |
vor 2021 | 75 |
haust 2021 | 70 |
vor 2022 | 73 |
haust 2022 | 79 |
vor 2023 | 78 |
Svarið er byggt á upplýsingum sem skólarnir veittu mennta- og barnamálaráðuneyti.
3. Hve mörg börn hafa verið á biðlista eftir námi í alþjóðlegum skólum eða skóladeildum síðastliðin tíu ár? Óskað er sundurliðunar eftir hverju ári fyrir sig.
Samkvæmt upplýsingum frá Alþjóðaskólanum á Íslandi hefur ekki verið haldið formlega utan um biðlista í skólanum. Að meðaltali hafi þó verið tveir til þrír nemendur á ári sem hafa ekki fengið inngöngu í skólann.
Samkvæmt upplýsingum frá alþjóðadeild Landakotsskóla sýnir eftirfarandi tafla fjölda barna sem voru þar á biðlista eftir námi:
Skólaár | Fjöldi barna |
2015–2016 | 0 |
2016–2017 | 0 |
2017–2018 | 0 |
2018–2019 | 0 |
2019–2020 | 2 |
2020–2021 | 0 |
2021–2022 | 5 |
2022–2023 | 16 |
2023–2024 | 38 (áætlað ) |
Samkvæmt upplýsingum frá Menntaskólanum við Hamrahlíð hefur ekki verið þörf á biðlistum í IB-nám skólans en nemendum hefur verið hafnað vegna lítillar enskukunnáttu.