138. löggjafarþing — 37. fundur, 3. des. 2009.
ríkisábyrgð á lántöku Tryggingarsjóðs innstæðueigenda og fjárfesta.
76. mál
Frú forseti. Mig langar að spyrja hv. þingmann annarrar spurningar í ljósi ræðu hans áðan: Í ljósi þeirra byrða sem verið er að leggja á íslenska þjóð ef þetta frumvarp og þessi ríkisábyrgð á lánasamningum vegna Icesave verða samþykkt, telur hv. þingmaður að fyrir liggi í raun hjá hæstv. ríkisstjórn vitneskja og/eða útreikningar um árlegt, erlent greiðsluflæði áranna 2010/2012–2018/2020 eða rennir hún blint í sjóinn?