viðvera ráðherra við umræðu.
Hæstv. forseti. Það má skilja orð síðasta ræðumanns, hv. þm. Marðar Árnasonar, á þann veg að nokkuð breið samstaða sé um það í salnum að ekki sé hægt að láta umræðuna fara fram að svo búnu, en það verður forseti auðvitað að meta.
Ég vildi hins vegar í tengslum við þetta, af því að hér var nefnt að hæstv. umhverfisráðherra þyrfti helst að vera viðstaddur þessa umræðu, geta þess að í breytingartillögum meiri hluta nefndarinnar er að finna veigamiklar breytingar um önnur efnisatriði en þau sem voru í hinu upphaflega frumvarpi og þær breytingartillögur voru ættaðar frá umhverfisráðherra og voru ekki til umræðu þegar umhverfisráðherra var viðstaddur hér við 1. umr.