beiðni þingmanna um upplýsingar.
Virðulegi forseti. Ég tek undir þann málflutning sem hér hefur farið fram. Það er mjög mikilvægt yfir okkur að hlutverk forseta sé alveg skýrt, því að þetta er ekki í síðasta skipti sem við eigum eftir að biðja um gögn. Það verður að vera alveg á hreinu hvort við eigum rétt á þeim eða ekki og hvort skila eigi þeim innan tilskilins tíma.
Ég spurði hagræðingarhópinn í ágúst hvort ekki væri eðlilegt að hann mundi kynna fjárlaganefnd niðurstöðurnar. Það stóð ekkert á því þá. Svo skildist mér á nefndarmönnum að þeir hefðu lokið starfi sínu fyrir nokkru og þetta væri í höndunum á forsætisráðuneytinu. Þannig var það alla vega orðað við okkur, þetta væri ekki lengur á þeirra ábyrgð þannig að við þyrftum að fara fram á þetta við þá forsætisráðuneytið. Mér finnst þetta því vera frekar óskýr svör sem hér eru að berast.