leiðrétting verðtryggðra fasteignaveðlána.
Virðulegi forseti. Þetta er athyglisvert ef við skoðum hvaða leiðir hv. þingmaður nefndi sem sveitarfélögin hafa, þ.e. hækkun á fasteignagjöldum, niðurskurð í þjónustu. Er ekki líklegt að mati þingmannsins að þær breytingar, ef af yrði, kæmu einmitt verst niður á þeim fjölskyldum sem fyrir eru í mestum vanda? Á hvaða vegferð erum við þá?
Væri fjármununum, þessum 32 milljörðum eða hvað það er, sem fara til þeirra sem eru með 8 milljónir í fjölskyldutekjur eða meira á ári, kannski betur varið í það að hjálpa sveitarfélögunum við að styrkja félagslega íbúðakerfið, styðja við bakið á leigjendum o.s.frv.?