verslun með áfengi og tóbak o.fl.
Virðulegi forseti. Hv. þingmaður hóf spurningu sína á því að fullyrða að aðgengi unglinga væri gott að áfengi og mundi ekki batna við það að fá áfengi í 112 matrvöruverslanir. Ég vil bara mótmæla því. Hann telur að sýnileikinn muni ekki aukast við það að áfengi verði stillt upp í matvöruverslunum við hliðina á öllum matvælum þar sem unglingar munu umgangast það í návígi í hvert sinn sem þeir eru sendir út í búð. Ég get ekki fallist á þetta.
Ég er ekki í aðstöðu til að spá fyrir um það hver álagning yrði á áfengi í smásölu en ég tók dæmi um 80% álagningu, raunverulegt dæmi um óáfengt hvítvín. Ég held að það hafi ekki verið mistök, ég held að álagning í þessari smásölu verði eins há og kaupmenn munu komast upp með.