ýmsar forsendur fjárlagafrumvarps 2015.
Forseti. Það má segja að dramatíkin sem hér oft hrýtur af vörum mínum sé afar „innspíreruð“ af hv. þm. Össuri Skarphéðinssyni, sem oft vill vera mjög fundvís á góðar samlíkingar í ræðum sínum sem skapa oft mikla dramatík hér í þingsal. En komandi að málinu, ég er sammála því að kannski er þetta ekki „systematísk“ aðferðafræði við að skapa stéttaskiptingu en aðferðafræðin gerir slíkt, þannig að á endanum hlýtur niðurstaðan að vera sú að þær áherslur og sú forgangsröðun auki misskiptingu hér á landi. Og það hefur verið þannig, alla vega samkvæmt sögubókum, að talað er um helmingaskiptingu hérlendis sem er eignuð þessum tveimur flokkum sem nú eru við völd, að þeir hafi helmingaskipt á milli sín þegar við fengum loksins sjálfstæði. Ég var ekki á staðnum þannig að ég get ekki sannreynt það en það hefur verið það sem lesa má í mörgum söguskýringum.
Ég hef miklar áhyggjur af því að þær undirstöður, ég ætla að fara betur og ítarlegar í það af hverju ég hef áhyggjur af heilbrigðiskerfinu. Ég hef fylgst með hvað hefur gerst eftir Alþjóðagjaldeyrissjóðsprógrömm víðs vegar um heim. Ekki var farið eins skarpt í niðurskurðinn en nú er eiginlega lokahnykkurinn að koma út af því að það var orðið svo viðkvæmt fyrir í góðærinu, því að ekki er eins og það sé eitthvað nýtt af nálinni að hér sé um (Forseti hringir.) þrengingar að ræða í heilbrigðiskerfinu.
