peningaþvætti og fjármögnun hryðjuverka.

Virðulegi forseti. Vonandi skiptir þetta ekki miklu máli. En þetta skiptir því máli að við erum með sameiginlegan innri markað þar sem langflest þessara landa eru með evru í sinni löggjöf. Það sem skiptir máli er að lögeyrir kemur þessu máli nákvæmlega ekkert við. Við erum að tala um fjárhæðarmörk og þau eru tilgreind í þeirri einingu sem heitir evra. Það kann að gerast og hefur verið raunin að fjárhæðarmörk í krónum hafa því miður ekki haldið. En það er annar handleggur. Það getur vel verið að það verði sérstök vertíð hér á þingi framtíðarinnar að leiðrétta fjárhæðarmörk vegna sérvisku hv. þingmanns. (Gripið fram í.) — Er ég með orðið eða hv. þingmaður? Það getur vel verið að það verði á vertíðum hér á þingi í framtíðinni að menn taki sérstakan mánuð í það að fara í gegnum fjárhæðarmörk þannig að staðið verði við þær skuldbindingar sem við höfum undirgengist. En ég held ég hafi komið sjónarmiðum mínum á framfæri. Ég þakka fyrir gott hljóð að öðru leyti.