Mývatn og Jökulsárlón.
Forseti. Ég vil þakka ráðherranum fyrir svörin en bið um enn þá skýrari svör. Mig langar að spyrja ráðherrann hreint út hvort það standi til að fjármagn fáist til að styðja Skútustaðahrepp í fráveituframkvæmdum. Núna á yfirstandandi ári þarf strax að ganga í þau verkefni. Við vitum það. Ég spyr ráðherrann hvort fundaði hafi verið um það í ríkisstjórn, hvort fjallað hafi verið um það á fundum hennar með fjármálaráðherra, að fá fjármagn til þessara framkvæmda.
Hins vegar vil ég spyrja: Hefur það verið rætt á sambærilegum fundum, þ.e. fundi í ríkisstjórn, með forsætisráðherra eða fjármálaráðherra, að útvega fjármagn til að ganga inn í kaup á Fellsjörðinni í þágu Vatnajökulsþjóðgarðs?