lyfjastefna til ársins 2022.
Frú forseti. Ég vil þakka velferðarnefnd fyrir góða vinnu við lyfjastefnu. Málið hefur tekið framförum í samvinnu nefndarinnar og ráðuneytisins. Það er vel. Það er mikilvægt að við höfum góða og styrka lyfjastefnu. Þetta er einn mikilvægasti málaflokkurinn í heilbrigðiskerfinu og sá málaflokkur sem vex hvað hraðast í útgjöldum og er í hvað hraðastri þróun. Þannig að ég fagna þessari lyfjastefnu, þakka þinginu kærlega fyrir góða samvinnu og tel að þessi lyfjastefna verði góður grunnur að heildarendurskoðun á lyfjalögum sem ég reikna með að geta lagt fram strax í haust.