áhafnir íslenskra fiskiskipa, varðskipa, skemmtibáta og annarra skipa.
Herra forseti. Við greiðum hér atkvæði um frumvarp um hækkun lengdarmarka smáskipa. Til að gæta að hagsmunum faghópa og fyllsta öryggi er lögð áhersla á að breyta kröfum um menntun þeirra sem hafa réttindi á 12 metra skip til að brúa bilið upp að 15 metra skipum. Þetta er gert með endurskoðun á þar til fallinni reglugerð, sem er nr. 175/2008, í samvinnu við hagaðila og stofnanir. Í nefndaráliti er lögð áhersla á að tryggja þurfi að fjöldi í hverri áhöfn smáskipa samræmist vinnulagi í hverjum róðri og að hvíldartímaákvæði séu virt í hvívetna.
Ég hvet þingheim til að taka undir með hv. umhverfis- og samgöngunefnd og samþykkja frumvarpið einróma.