lengd fyrirspurnatíma.
lengd fyrirspurnatíma.
Frú forseti. Ég vil koma því á framfæri við forseta og forsætisnefnd þingsins að veita meiri tíma fyrir okkur ráðherra til þess að svara fyrirspurnum. Ég er hér með einar sjö eða átta fyrirspurnir á dagskrá og það komast bara tvær að og nú er klukkan rúmlega fjögur. Eins og við þekkjum og vitum þá eru iðulega þingflokksfundir á milli fjögur og sex þannig að ég mælist til þess, þannig að ég geti svarað fyrirspurnum þingmanna, að ráðherra fái meiri og aukinn tíma til þess að svara þeim fyrirspurnum.
Forseti hefur móttekið ósk hæstv. ráðherra. Fyrirspurnatíminn hefur verið lengri í dag en samkvæmt venju. Við hófum hér fund klukkan tólf og þannig stendur á samkvæmt því sem fyrir liggur að fyrirspurnir eru mjög margar og það hefur verið reynt eftir bestu vitund að raða niður fyrirspurnum á hæstv. ráðherra eftir því sem þeir hafa verið við. En forseti mun taka beiðni hæstv. menntamálaráðherra til skoðunar.