rannsókn kjörbréfs.
Borist hefur svohljóðandi bréf frá Ögmundi Jónassyni, formanni þingflokks Vinstri hreyfingarinnar – græns framboðs, dagsett í dag:
„Þar sem Jón Bjarnason, 8. þm. Norðvest., er veikur og getur ekki sótt þingfundi óska ég eftir því með vísan til 2. mgr. 53. gr. þingskapa að 2. varamaður á lista Vinstri hreyfingarinnar – græns framboðs í Norðvesturkjördæmi, Lilja Rafney Magnúsdóttir, taki sæti hans á Alþingi á meðan en 1. varamaður á listanum, Árni Steinar Jóhannsson, er forfallaður að þessu sinni.“
Þá hefur borist bréf frá Árna Steinari Jóhannssyni, 1. varaþingmanni Vinstri hreyfingarinnar – græns framboðs í Norðvesturkjördæmi, þar sem hann tilkynnir forföll.
Að ósk forseta hefur landskjörstjórn komið saman og gefið út kjörbréf handa Lilju Rafney Magnúsdóttur, sem er 2. varamaður á lista Vinstri hreyfingarinnar – græns framboðs í Norðvesturkjördæmi. Jafnframt hélt kjörbréfanefnd fund nú í hádeginu til þess að fjalla um kjörbréfið.
Hæstv. forseti. Kjörbréfanefnd kom saman í dag og fór yfir kjörbréf Lilju Rafneyjar Magnúsdóttur, 2. varaþingmanns Vinstri hreyfingarinnar – græns framboðs í Norðvesturkjördæmi, sem landskjörstjórn gaf út í dag. Kjörbréfanefnd leggur einróma til að kjör Lilju Rafneyjar Magnúsdóttur verði samþykkt.
Kjörbréfanefnd mælir einróma með samþykkt kjörbréfsins og telst það samþykkt án atkvæðagreiðslu ef enginn hreyfir andmælum. Lilja Rafney Magnúsdóttir hefur áður tekið sæti á Alþingi og er boðin velkomin til starfa á ný.