skipulagslög, frh. 3. umræðu.
[17:41]
Forseti. Ef svo fer sem horfir um þessa atkvæðagreiðslu má segja í fornum stíl að við höfum mikinn öldung að velli lagðan þar sem eru breytingar á skipulagslögunum þó að eftir séu smærri atriði í tveimur öðrum lagabálkum. Ég vil óska mönnum almennt til hamingju með það. Af nýmælum í þessum lögum og breytingum er sérstaklega að geta landsskipulagsstefnunnar sem nú er komin á eða yrði komin á ef þessi lög verða samþykkt hér á þinginu. Hún er, að ég held, mikið framfaraspor í skipulags- og samfélagsmálum okkar og á eftir að bæta verulega skipulag landsins, náttúruvernd, umhverfi og atvinnulíf.
Frú forseti. Ég vil nota þetta tækifæri og þessi þáttaskil að því er varðar skipulagsmál í landinu nú þegar við göngum til atkvæða um ný skipulagslög, til að þakka öllum þeim sem komið hafa að vinnunni, ágætu starfi nefndarinnar og styrkri stjórn hennar í gegnum þetta vandasama verkefni. Þetta eru þáttaskil sem okkur verður vonandi sómi að en þarna eru auðvitað ákvæði sem þarf að taka fljótt til endurskoðunar og fylgja vel eftir eins og hér hefur verið bent á og verður það gert. Ég þakka nefndinni fyrir að vera liðsmaður minn í því að bæta lagaumhverfi skipulagsmála á Íslandi og vænti mikils af framhaldinu.
Brtt. í nál. 1488 samþ. með 33 shlj. atkv.
Frv., svo breytt, samþ. með 33 shlj. atkv. og sögðu