140. löggjafarþing — 42. fundur
 16. janúar 2012.
framhaldsfundir Alþingis.

[15:02]
forsætisráðherra (Jóhanna Sigurðardóttir) (Sf):

„Handhafar valds forseta Íslands samkvæmt 8. gr. stjórnarskrárinnar, forsætisráðherra, forseti Alþingis og forseti Hæstaréttar, gjöra kunnugt:

Vér höfum ákveðið, samkvæmt tillögu forsætisráðherra, að Alþingi skuli koma saman til framhaldsfunda mánudaginn 16. janúar 2012 kl. 15.

Gjört í Reykjavík, 13. janúar 2012.

Ásta R. Jóhannesdóttir. Jóhanna Sigurðardóttir.

Markús Sigurbjörnsson.

___________________

Jóhanna Sigurðardóttir.

Bréf handhafa valds forseta Íslands um að Alþingi skuli koma saman til framhaldsfunda.“

Ég býð hæstv. forseta, hv. alþingismenn svo og starfsmenn Alþingis velkomna til starfa á nýju ári.



[15:03]
Forseti (Ásta R. Jóhannesdóttir):

Ég þakka hæstv. forsætisráðherra góðar kveðjur og býð hv. alþingismenn velkomna til vetrarþings að loknu jólahléi og óska þeim og starfsmönnum Alþingis gleðilegs árs og þakka fyrir gott samstarf á liðnu ári.