Forseti. Það hefur greinilega misfarist að ég bað aftur um orðið við atkvæðagreiðsluna. Ég vil bara ítreka það sem ég sagði áðan við atkvæðagreiðsluna. Að sjálfsögðu er það útgangspunktur umhverfis- og samgöngunefndar í þessu máli að fagna mjög svo virkri og öflugri aðkomu (Forseti hringir.) atvinnuveganefndar þegar við ræðum rammaáætlun og við vinnum þetta saman, enda var það upphaflega tillaga (Forseti hringir.) umhverfis- og samgöngunefndar að málið færi til beggja nefnda en það er ekki hægt samkvæmt þingsköpum.