Virðulegi forseti. Við greiðum atkvæði um frumvarp til laga um breytingu á lögum um framlengingu á ýmsum bráðabirgðaákvæðum.

Ég óska eftir því að málið verði kallað inn í atvinnuveganefnd á milli 2. og 3. umr. Ég mun leggja fram breytingartillögu við 4. gr. Í þessu frumvarpi er verið að framlengja ýmsa þætti innan fiskveiðistjórnarkerfisins en strandveiðar fá ekki hlutfallslega aukningu aflaheimilda. Mín breytingartillaga felur í sér að strandveiðar fái sambærilega aukningu og aðrar greinar sem flokkast undir fiskveiðistjórnarkerfið sem framlenging er á í þessu frumvarpi.