Virðulegi forseti. Ég kem hér upp til að þakka umhverfis- og samgöngunefnd fyrir mikla vinnu við heildarfrumvarp um úrgangsmál. Það skiptir miklu að fá þetta mál hér í gegn. Við erum að færa okkur frá því að líta á úrgang sem eitthvað sem þarf að urða eða brenna yfir í það að líta á sem hráefni til að nýta. Þetta frumvarp gerir okkur kleift að fara mun hraðar í það verkefni. Þess vegna fagna ég því að þingheimur skuli standa saman um það hér í dag svo við getum komið okkur inn í 21. öldina hvað þetta varðar.