[12:25]
Virðulegi forseti. Hér erum við að samþykkja eitt af hinum klikkuðu þingmálum sem hv. þm. Helgi Hrafn Gunnarsson hefur lagt fram á sínum ferli, um að Ísland skuli gerast aðili að Geimvísindastofnun Evrópu, sem er frábært mál. Forsaga þess er sú að það var mál sem samþykkt var í kosningakerfi Pírata og Helgi tók það bara alla leið. Hér erum við að fara að samþykkja að kanna þetta mál, sem mun verða til þess að við munum efla vísindastarf á Íslandi þegar kemur að veðurathugunum, þegar kemur að radarathugunum og þar fram eftir götunum. Þetta er frábært mál. Það er alveg frábært hvernig það var unnið, frá kosningakerfi Pírata, inn á þing, og kannski förum við bara til stjarnanna. „Per aspera ad astra.“
Forseti. Mig langaði bara að þakka utanríkismálanefnd og framsögumanni málsins fyrir að taka þetta mál þannig að við getum afgreitt það á Alþingi í dag. Mig langar að vitna í stutta grein eftir Kára Helgason og Sævar Helga Bragason um þetta mál, með leyfi forseta:
„Hver einasta króna sem Ísland legði til í ESA myndi skila sér til baka til atvinnulífsins í formi úthlutaðra verkefna. Þá eru ekki meðtalin þau óbeinu áhrif á hagkerfið sem tengd nýsköpunarstarfsemi hefði í för með sér. Í ítarlegum úttektum sem gerðar voru á þátttöku hinna Norðurlandanna í ESA var komist að þeirri niðurstöðu, að fyrir hverja milljón króna sem varið var í samstarf við ESA urðu til 4 til 5 milljónir í veltu fyrir þarlend fyrirtæki.“
Það sem skiptir öllu máli er að í leiðinni verður hægt að segja íslenskum skólabörnum í fyrsta skipti: Hey, krakkar, þið getið orðið geimfarar!
Brtt. í nál. 1810 samþ. með 56 shlj. atkv.
Fyrirsögn samþ. án atkvgr.
Till., svo breytt, samþ. með 56 shlj. atkv. og sögðu