samningur milli Íslands og Færeyja um fiskveiðar innan íslenskrar og færeyskrar lögsögu á árinu 2018, frh. síðari umræðu.
[14:53]
Hæstv. forseti. Þarna er um að ræða tvíhliða samning við Færeyinga. Við höfum verið í samningum við þá, þ.e. verið með tvíhliða samninga. Síðan var komin slagsíða á þann samning og komin upp frekar leiðinleg staða sem nú er búið að leysa. Það er vinna sem við þurfum alltaf að halda áfram. Færeyingar eru uppáhaldsfrændur okkar og við þurfum að vera í góðu sambandi við þá. En þegar maður á í viðskiptum við uppáhaldsfrændur sína og fjölskyldumeðlimi er manni stundum vandi á höndum því að tilfinningarnar eru miklar.
Virðulegi forseti. Vissulega er þetta samningur um samskipti Íslands og Færeyinga á sviði fiskveiðimála sem snýr að heimildum þeirra til veiða í botnfiski hér og sömuleiðis í loðnu. En það er ákveðinn misskilningur sem fram kom í máli hv. þingmanns hér áðan, að búið væri að leysa þessa deilu. Svo er ekki. Þetta er samkomulag sem gildir í rauninni fyrir árið 2018. Af einhverjum ástæðum dróst frágangur þess í utanríkisráðuneytinu. En málin gagnvart Færeyingum (Gripið fram í.) eru á sama stað nú í desember og þau voru í desember á síðasta ári.
Fyrirsögn samþ. án atkvgr.
Till. samþ. með 55 shlj. atkv. og sögðu