Virðulegur forseti. Ég vildi koma hingað og þakka umhverfis- og samgöngunefnd fyrir góð störf í þessu máli og öðrum er tengjast þessum málaflokki. Varðandi þetta mál, sem kannski lætur ekki mikið yfir sér, er það engu að síður þannig að Ísland er í fararbroddi ríkja í heiminum þegar kemur að öryggismálum í samgöngum, ekki síst á sjó. Það mál sem við erum að samþykkja hérna tryggir svolítið þá stöðu okkar að til okkar er horft um allan heim, hvernig við höfum náð frábærum árangri í öryggismálum á sjó. Þetta frumvarp er undirstrikun á því að við ætlum að halda áfram að vera í fararbroddi þeirra ríkja sem best ganga um þessa auðlind og tryggjum öryggi þeirra sem nýta hana á hverjum tíma.