Forseta hafa borist bréf frá umhverfis-, orku- og loftslagsráðherra þar sem óskað er eftir fresti til þess að veita skrifleg svör við fyrirspurnum á þskj. 1064, um ofanflóðasjóð, frá Líneik Önnu Sævarsdóttur, á þskj. 1088, um búfjárbeit á friðuðu eða vernduðu landi, frá Hönnu Katrínu Friðriksson, og á þskj. 1105, um vernd í þágu líffræðilegrar fjölbreytni, frá Andrési Inga Jónssyni.

Einnig hefur borist bréf frá heilbrigðisráðherra þar sem óskað er eftir fresti til þess að veita skriflegt svar við fyrirspurn á þskj. 1102, um einstaklinga með tengslaröskun, frá Evu Sjöfn Helgadóttur.

Þá hafa borist bréf frá dómsmálaráðherra þar sem óskað er eftir fresti til að veita skrifleg svör við fyrirspurnum á þskj. 1094, um sanngirnisbætur, og á þskj. 1109, um aðgengi að túlkaþjónustu, báðar frá Indriða Inga Stefánssyni.

Að lokum hefur borist bréf frá félags- og vinnumarkaðsráðherra þar sem óskað er eftir fresti til að veita skriflegt svar við fyrirspurn á þskj. 1077, um greiðsluaðlögun einstaklinga, frá Ásthildi Lóu Þórsdóttur.