Forseta hefur borist bréf frá mennta- og barnamálaráðherra þar sem óskað er eftir fresti til þess að veita skriflegt svar við fyrirspurn á þskj. 1393, um stöðu grunnnáms í listdansi og rekstrarumhverfi listdansskóla, frá Viðari Eggertssyni.
Einnig hefur borist bréf frá matvælaráðherra þar sem óskað er eftir fresti til að veita skriflegt svar við fyrirspurn á þskj. 1463, um sjóði á vegum ráðuneytanna og stofnana þess, frá Hildi Sverrisdóttur.
Þá hafa borist bréf frá umhverfis-, orku- og loftslagsráðherra þar sem óskað er eftir fresti til að veita skrifleg svör við fyrirspurnum á þskj. 1374, um samdrátt í losun gróðurhúsalofttegunda, frá Þórunni Sveinbjarnardóttur, og á þskj. 1386, um söfnun og endurvinnslu veiðarfæra, frá Andrési Inga Jónssyni.
Að lokum hafa borist bréf frá heilbrigðisráðherra þar sem óskað er eftir fresti til þess að veita skrifleg svör við fyrirspurnum á þskj. 1363, um Heilsugæsluna í Grafarvogi, frá Diljá Mist Einarsdóttur, á þskj. 1385, um Geðheilsumiðstöð barna, frá Andrési Inga Jónssyni, og á þskj. 1387, um heimaþjónustu ljósmæðra, frá Jóhanni Páli Jóhannssyni.