[15:01]
Virðulegi forseti. Hér er verið að greiða atkvæði um að mega stækka skrúfuna á bátum, það er það sem aflvísir þýðir. Þar sem við teljum að ekki sé auðsýnt að hér sé ekki verið að fórna umhverfissjónarmiðum og sjónarmiðum um fjölbreytileika lífríkisins til að ná fram loftslagsáhrifum þá munum við greiða atkvæði gegn þessu frumvarpi.
Virðulegi forseti. Ég sé að hér er komið fram frumvarp sem ég flutti sjálfur í tví- eða þrígang hér í þinginu við litlar undirtektir. Þá voru það auðvitað þessi loftslagsmál sem eru stóra málið í þessu. Það er verið að tala um að fiskiskip fái að nota stærri skrúfu til að auka afl sitt. Í dag er það þegar gert. Það er eins og margt annað í okkar lögum að það er hægt að fara fram hjá því. Það eru þá keyrðar dísilvélar eða ljósavélar beint inn á gír skrúfunnar þannig að þeir geta náð þessu afli núna með langtum meiri olíueyðslu heldur en þekkist. Þessi nýja leið kemur auðvitað loftslaginu mjög vel en hún hleypir auðvitað stærri skipum inn á þremur mílum. Ég held að ef við vegum það saman hvort það skipti meira máli, loftslagið og að við náum fiskinum á ódýrari hátt með minni olíu, þá sé þetta góð leið til þess. Ég samþykki þetta.
1. gr. samþ. með 46:8 atkv. og sögðu
2.–4. gr. samþ. með 44:7 atkv. og sögðu
Fyrirsögn samþ. án atkvgr.
Frumvarpið gengur til 3. umr.
Frumvarpið gengur (eftir 2. umr.) til atvinnuvn.