grunnskólar.
Virðulegi forseti. Ég harma mjög að hv. formaður menntamálanefndar hafi krafist þess að hér eigi að ljúka umræðum. Við framsóknarmenn höfum beðið um tvöfalda umræðu í þessu mikilvæga máli sem ekki er samstaða um eins og meiri hlutinn veit, og heldur ekki úti í þjóðfélaginu.
Ég vil líka minna stjórnarflokkana á að þegar málin voru tekin til 1. umr. voru þau öll sett saman í eina hálftímaumræðu og það var það sem við í stjórnarandstöðunni samþykktum. Mér finnst við hafa gefið vel eftir vegna þess að þetta eru stór mál og mjög mikilvæg. Mér finnst það miður, og tel það klárt brot á þingsköpum, að fundi verði haldið áfram (Forseti hringir.) fram yfir miðnætti.