heilbrigðisstefna til ársins 2030.
Hæstv. forseti. Ég þakka þingmanninum fyrir þetta svar. Ég var kannski ekki búinn að gera mér grein fyrir því að nefndin hefði verið sammála um að þetta væri á þessu stigi, en gott og vel. Það er náttúrlega, kannski ekki margsannað en alla vega í mínum huga eru forvarnir, bæði á hinu stóra sviði þess orðs eins og í endurhæfingu, geðheilbrigðismálum, forvarnir í áfengis- og vímuefnamálum og öðru slíku, bara almennar forvarnir, til þess gerðar að hjálpa fólki að verða ekki veikt og takast á við líkama sinn á ábyrgan hátt. Í framhaldinu sparar það heilbrigðiskerfinu gríðarlegt fjármagn. Þetta hefur maður lesið skýrslur um og ég veit að þingmaðurinn er alveg sammála mér í því.
En miðað við svör þingmannsins þá held ég að ég sé ekkert meira að snúa upp á handlegginn á viðkomandi í framhaldi af því.