þjóðaröryggisráð.
Hæstv. forseti. Þjóðaröryggisráði er ætlað að vera samráðsvettvangur um þjóðaröryggismál. Við 1. umr. kom fram ýmiss konar gagnrýni á þetta mál en í meðferð nefndarinnar var tekið tillit til þessarar gagnrýni eins og endurspeglast í breytingartillögunum sem koma frá hv. utanríkismálanefnd þar sem er opnað fyrir víðari nálgun þar sem fólk með fjölbreyttari bakgrunn mun eiga sæti í þjóðaröryggisráðinu.
Ég stend að þessum breytingartillögunum sem ég tel að muni bæta málið og ætla því að styðja við framgöngu málsins og fylgja því eftir til enda.