Lífeyrissjóður starfsmanna ríkisins.
Virðulegi forseti. Það er mjög einföld og sjálfsögð krafa að við vitum hvaða mál virðulegi forseti hyggst setja á dagskrá á næstunni. Mig langar aðeins að nefna það líka að fyrr í dag, undir liðnum um fundarstjórn forseta, talaði virðulegi forseti um dagskrána í dag. Þetta snýst ekki í sjálfu sér um dagskrána í dag, þetta snýst um dagskrána á morgun og hinn og væntanlega næstu viku. Það lítur allt út fyrir það og reyndar er auðséð að starfsáætlun heldur ekki lengur. Þá er tími til að horfast í augu við það og bregðast við því. Ég sé ekki alveg hvers vegna við eigum að halda áfram hérna þar til komið er á hreint hvaða forgangsröðun virðulegur forseti vill setja á.