áætlanir um þinglok.
Virðulegi forseti. Ég held að alveg óhætt sé að fullyrða og ganga út frá því að formenn stjórnarflokkanna vinna samkvæmt einhverri áætlun. Þeir vinna samkvæmt plani. Þeir hafa þessa þræði í höndum sér. Þeir eru farnir í kosningaferðalög. Það sem er ámælisvert og gríðarlegt áhyggjuefni fyrir lýðræðið í þessu landi í aðdraganda kosninga er að aðrir vita ekkert um þetta plan, hafa enga aðkomu að þessari áætlun, vita ekkert um hana. Við erum í óvissu. Það er alveg rétt sem hv. þm. Árni Páll Árnason bendir á í Fréttablaðinu í dag, þetta er umkvörtunarefni til ÖSE, Öryggis- og samvinnustofnunar Evrópu. Hér er verið að misnota aðstöðu sína gagnvart löggjafarþinginu. Hér er verið að misnota völd. Ekki bara á miðju kjörtímabili, við erum að fara að kjósa (Forseti hringir.) eftir örfáa daga þannig séð, í þessum mánuði. Menn misnota stöðu sína. Á því þarf að taka af festu, hæstv. forseti.