ríkisábyrgð á lántöku Tryggingarsjóðs innstæðueigenda og fjárfesta.
Virðulegur forseti. Nú er klukkan farin að ganga sex að morgni og ég hef komið upp nokkrum sinnum áður undir þessum lið, um fundarstjórn forseta, þar sem mér finnst fundarstjórnin á Alþingi vera orðin meiri háttar afkáraleg. Það gengur ekki að það sé ætlast til þess að þingmenn haldi hér vöku sinni jafnvel á annan sólarhring við að ganga frá lagasetningu fyrir þjóðina. Sjálfur starfaði ég til sjós í 10 ár. Þar voru lágmarkshvíldarákvæði en það var akkúrat á þessum tíma, þegar menn voru búnir að vaka kannski í 22–25 tíma, sem slysin urðu. Þá urðu slysin, og þá verða slysin. Og hér verða slysin með þeim hætti að það hleypur kergja í þingmenn og allt þingstarf í framhaldinu mun fara í loft upp. Það er hlaupin kergja í mig. Ég mun aldrei samþykkja að þetta mál verði afgreitt út úr þinginu. (Forseti hringir.)