fjárlög 2015.
Hæstv. forseti. Ég tek undir með þeim tveimur sem töluðu á undan mér. Við greiðum hér atkvæði um að auka í Hafnabótasjóð til að rannsaka höfnina í Þorlákshöfn, en á henni þyrfti að gera miklar breytingar. Það þarf að fara að ráðast í viðhald á henni og ef höfninni væri breytt fyrir skip allt að 180 metrar fæli það í sér mörg atvinnutækifæri, ekki bara fyrir þá sem búa í Þorlákshöfn heldur einnig á Suðurlandi. Þetta hefur verið baráttumál hjá mörgum sveitarfélögum á Suðurlandi, höfnin yrði þá þjónustuhöfn fyrir mörg sveitarfélög. Ég fagna þessu mikla atvinnubótamáli og segi já við tillögunni.