svör við skriflegum fyrirspurnum.
Frú forseti. Mig langar bara að nota tækifærið, af því að það er svo sjaldan sem við höfum alla ráðherrana hérna, til að minna hæstv. háskóla-, iðnaðar- og nýsköpunarráðherra og hæstv. innviðaráðherra á að ég á tvær ósvaraðar fyrirspurnir hjá hvorum ráðherra sem ekki hefur verið svarað í 59 daga og ekki hefur einu sinni verið beðið um að fá að svara síðar. Mig langaði bara að nota tækifærið og biðja forseta um að ýta aðeins á þetta því að við viljum endilega fá svör við þessum fyrirspurnum. (BLG: Heyr, heyr.)