samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.
Jú, niðurstöðurnar skipta að sjálfsögðu miklu máli en það getur líka skipt máli hversu lengi menn þurfa að bíða eftir þeim og hvernig mönnum líður á meðan. Maður veltir stundum fyrir sér, þótt það sé algerlega óskylt mál og langt í burtu, hvort deiluaðilar fyrir botni Miðjarðarhafs hefðu kannski ekki betur sýnt meiri samstarfsvilja fyrir 10, 20, 25 árum til að koma þar á friði og hvers menn væru búnir að njóta síðan ef það hefði tekist. Þannig er það nú.
Við skulum einfaldlega hafa það í huga og gleðjast þá yfir því að ytri aðstæðurnar í þessu máli hafa batnað. Það skiptir t.d. gríðarlegu máli hvort við reiknum núna út og teljum sæmilega traustar forsendur fyrir því að endurgreiðsluhlutfallið út úr búinu verði a.m.k. 86%, eða við notum það varfærna 75% mat sem var lagt til grundvallar útreikningum á eldri samningum. Þarna koma gríðarlegir fjármunir (Forseti hringir.) inn í dæmið og þeir berast fyrr til búsins en þá var reiknað með. (Gripið fram í: Þú varst …) Það skýrir t.d. — frú forseti, einhverjir eiga bágt hérna í salnum.
(Forseti (SF): Forseti biður hv. þingmenn að grípa ekki fram í.) (Gripið fram í.)