140. löggjafarþing — 61. fundur, 23. feb. 2012.
endurskoðun á lagaumhverfi er varðar uppkaup á landi.
329. mál
Virðulegi forseti. Ég mótmæli og segi það hátt og skýrt að ég hef ekki gert lítið úr formanni stjórnlagaráðs, Salvöru Nordal, eða hennar störfum — alls ekki. Ég neita því að slíkt sé sagt um mig í ræðustól Alþingis og vona að það verði skýrt skráð í þingskjöl að það hef ég ekki gert, enda ber ég mikla virðingu fyrir henni eins og reyndar flestu öðru fólki, ólíkt því sem virðist tíðkast um þingmenn almennt í þessum sal.