breyting á ýmsum lögum vegna hækkunar lágmarksiðgjalds til lífeyrissjóðs og ákvæða um tilgreinda séreign.
Herra forseti. Það finnst glöggt að það eru miklar áhyggjur meðal eldri borgara vegna þessa frumvarps, sérstaklega vegna 6. gr. þess. Það sést af fréttum m.a. í Morgunblaðinu að verkalýðshreyfingin hefur áhyggjur af því og sömuleiðis af hækkun á lífeyrisaldri úr 16 í 18 ár, og svo vegna mála sjómanna. En ég vil spyrja hæstv. ráðherra vegna 6. gr. sérstaklega, um að verðtryggingin eigi ekki reiknast mánaðarlega heldur árlega, að ekki er gerð grein fyrir því í frumvarpinu hvert er tilefni og tilgangur þeirrar breytingar og það fylgir ekki nein greinargerð um áhrif á sjóðfélaga, áhrif á fjárhagsstöðu sjóðanna eða þess vegna ríkissjóðs. Þannig að ég óska eftir skýringum hæstv. ráðherra á þessum atriðum.