útlendingar.
Frú forseti. Í mars 2023 kallaði ég kærunefnd útlendingamála fyrir allsherjar- og menntamálanefnd og óskaði eftir því að nefndin gerði grein fyrir því hvers vegna hún veitti skilyrðislausa viðbótarvernd til handa íbúum Venesúela þvert á úrskurði Útlendingastofnunar og annarra ríkja í Evrópu. Á þessum fundi gerðist það að Samfylkingin, Viðreisn og Píratar bókuðu sérstaklega gegn mér og mínum málflutningi í þessari nefnd. Samfylkingin sá ekkert athugavert við það að veita íbúum frá Venesúela viðbótarvernd og gerði lítið úr mínum málflutningi og sagði mig fara offari í nefndinni. Þá vil ég spyrja hv. þingmann: Er þetta ekki klárlega stefnubreyting af hálfu Samfylkingarinnar?