verslun með áfengi og tóbak o.fl.
Virðulegi forseti. Ég þakka hv. þm. Sigríði Maríu Egilsdóttur fyrir ræðu hennar. Ég held að flest séum við þokkalega sammála um að það er töluvert aðgengi að áfengi í dag. Ég velti fyrir mér, því það hefur ekki enn komið fram svar í þeirri umræðu sem hér hefur farið fram: Af hverju þurfum við þá að breyta því? Það væri gott að fá svar við því.
Það var komið inn á forræðishyggju áðan og þess háttar. Ef maður rennur yfir þetta frumvarp þá er lögð til breyting á 20. gr. áfengislaganna, um viðskiptaboð og fjarkaup. Hérna eru fjölmargir liðir sem flest okkar þekkjum, ef við lesum þá, (Forseti hringir.) við sem höfum bragðað áfengi. (Forseti hringir.) Það er nóg að horfa í spegil til að sjá hvað það þýðir.