afbrigði um dagskrármál.
Hæstv. forseti. Ég ætla ekki að leggjast gegn því að samþykkt verði afbrigði vegna þessara mála þannig að þau komist á dagskrá. Ég vek hins vegar athygli á því að örfáir dagar eru eftir af þinginu og hér leggur ríkisstjórnin enn fram stór mál sem við vitum ekki hvort ætlunin er að klára eða að hve miklu leyti á að vinna í.
Allt er þetta sérkennilegt og hlýtur að hafa áhrif á þingstörfin en hins vegar tel ég ekki ástæðu til að setja ríkisstjórninni stólinn fyrir dyrnar hvað varðar það að koma málinu hér til 1. umr.