Evrópska efnahagssvæðið.
Frú forseti. Ég þakka hæstv. ráðherra andsvarið. Ég verð nú að gefa mér smá tíma til þess að skoða þann hluta greinargerðarinnar sem snýr að spurningu hæstv. ráðherra. En í prinsippinu er ég þeirrar skoðunar að við hér á Alþingi eigum í meginatriðum að geta sett löggjöf sem við teljum skynsamlegasta fyrir hag lands og þjóðar. Í þeim dæmum sem hæstv. ráðherra vísar hér í að séu rædd í greinargerð þá þarf ég að skoða það sérstaklega en ég gef mér að það séu gild rök fyrir því að sú leið hafi verið farin í þeim tilvikum. En grunnsvarið er: Við eigum hér á Alþingi að geta sett þær reglur, lagareglur, sem gagnast hagsmunum lands og þjóðar best. Ég vona að þetta svari prinsipplega spurningu hæstv. ráðherra.