Ferill 15. máls. Aðrar útgáfur af skjalinu: Word Perfect.
1988. – 1058 ár frá stofnun Alþingis.
111. löggjafarþing. – 15 . mál.
Sþ.
15. Fyrirspurn
til menntamálaráðherra um leiðbeinendur og stundakennara í grunnskólum og framhaldsskólum.
Frá Danfríði Skarphéðinsdóttur.
1. Hvert er hlutfallið milli grunnskólakennara og leiðbeinenda í fræðsluumdæmum landsins miðað við fullt stöðugildi annars vegar og fjölda kennara hins vegar?
2. Hvert er hlutfallið milli framhaldsskólakennara og leiðbeinenda í fræðsluumdæmum landsins miðað við fullt stöðugildi annars vegar og fjölda kennara hins vegar?
3. Hve margir stundakennarar á hvoru skólastigi fyrir sig starfa án kennsluréttinda?
4. Hve margir hinna réttindalausu stundakennara á hvoru skólastigi fyrir sig ná lægsta launaþrepi kennara?
5. Hefur umsóknum fyrir leiðbeinendur verið synjað? Ef svo er, hve mörgum á hvoru skólastigi?
6. Hve margir kennarar á hvoru skólastigi eru í launalausu leyfi skólaárið 1988–1989?
7. Hver hefur fjöldi kennara í launalausu leyfi verið undanfarin fimm skólaár, sundurliðað eftir skólastigum?
Skriflegt svar óskast.